Diego Novas fórmase en cociña no CIFP Manuel Antonio de Vigo. Este novo cociñeiro gaña experiencia nos fogóns de Mesón Aguia, Osushi e Maruja Limón. Coincide neste último restaurante con Marcos Blanco, co que tamén estudara. Xuntos deciden emprender en 2016 o proxecto  Barrabasada, un concepto de cociña  bastarda instalado no Urban Market de Vigo.

A súa oferta é dinámica e chea de improvisación, segundo o produto fresco que atopen ese día no Mercado do Progreso. A súa proposta baséase en tapas con ingredientes galegos de calidade pero con sabores chegados de todo o mundo, conseguindo unha cociña de fusión e innovadora.

Rúa de Venezuela, 35, 36203 Vigo, Pontevedra