Moncho Bargo
Showcookings
Nacido na Laracha pero afincado na Coruña desde neno, Moncho Bargo comeza na hostalería cun bar de copas ata que decide dar o salto aos fogóns. Cúrtese no estranxeiro, como xefe de cociña no Restaurante Dionika de Edimburgo e en Vilas do Sol de Ibiza, e como xefe de partida no famoso Nobu de Londres. Ao volver a Galicia xestiona varios restaurantes coruñeses, entre eles Spoom. En 2017 gaña a segunda edición do premio Incitus co proxecto Pracer, unha taberna canalla, resultado das experiencias e a aprendizaxe en diferentes países do mundo pero apostando polos produtos locais, quilómetro 0 e cociña de calidade.
En pouco tempo abrirá as súas portas no centro da Coruña, xunto ao seu compañeiro Javier Freijeiro, con quen ofrecerá un showcooking no Festival SAL Saborea Atlánticos A Coruña.