Con gran paixón pola cociña desde moi novo e formado na Escola de Hostalería de Santiago de Compostela, o cociñeiro coruñés Luis Veira é sinónimo de Estrella Michelín. O restaurante Alborada obtívoa cando el era o seu chef e a súa persoal aposta, o restaurante Árbore da Veira, conséguea en 2013, tan só un ano despois da súa apertura.

Sempre en continua experimentación, a súa cociña de vangarda está baseada na perfección técnica e o sabor, sen esquecer a espectacularidade e o coidado estético. A súa experiencia anterior explica este estilo, xa que Veira pasou por El Celler de Can Roca, Tragabuches ou El Bohío.

Rúa San Andrés, 109, 15003 A Coruña