Andrés Médici
Showcookings
Andrés Médici (Bahía Blanca, Arxentina) comeza a súa formación na cociña xaponesa en 1998 da man do prestixioso cociñeiro Iwao Komiyama -recoñecido polo goberno xaponés en 2009 como o mellor chef de cociña xaponesa fóra de Xapón-, con quen pasou máis de tres anos aprendendo a técnica da cociña tradicional nipoa e o respecto polo produto. Tralo seu paso polo restaurante Taro Guadalpín de Marbella e o Hotel Hermige de Andorra, chega a Vigo en 2006 para abrir purOsushi.
Sempre en constante aprendizaxe, Médici conta coa certificación oficial AJSA que o habilita como formador en técnicas de sushi. A súa cociña é meticulosa, profunda, minimalista, mesturando técnicas tradicionais con outras máis innovadoras.
No Festival SAL Sabores Atlánticos A Coruña participará nunha Jam Session atlántica xunto a Gerson Iglesias (As Caldas) e Iria Espinosa (Árbore da Veira*).