Daniel López
Showcookings
Daniel López estuda Hostalería e Cociña no IES Fragas do Eume e despois fórmase nos fogóns de Casa Marcelo, Casa Pendás e en Le Bistrot du Paz, en Courchevel (Francia). O novo cociñeiro inaugura O Camiño do Inglés en 2010, unha aposta que pon a Ferrol no mapa da alta cociña. Desde entón os recoñecementos sucédense. En 2017, a Guía Michelín outórgalle o selo Bib Gourmand polo mérito de elaborar unha cociña de calidade a un prezo alcanzable. Ese mesmo ano tamén se alza como gañador do Campionato de España de Tapas no Salón de Gourmets e é finalista do Certame Cociñeiro Novo do Ano no Fórum Gastronómico da Coruña.
A súa é unha cociña internacional e viaxeira, coa técnica posta ao servizo dos produtos, que chegan directos do mercado ferrolán.
No Festival SAL Sabores Atlánticos A Coruña participará nunha Jam Session atlántica xunto a Diego López ‘Moli’ (La Molinera).