Fernando “Caco” Agrasar
Showcookings
A escola de Caco Agrasar foi sen dúbida a cociña de sabor da súa nai. Galardoado cunha Estrella Michelín, o chef mostra cada día o seu amor polo Atlántico e a Costa da Morte, onde se localiza o restaurante As Garzas (Malpica). Os seus pais abriron o local nos anos 90 e en 2002 Caco ponse á fronte dos fogóns, convertendo o restaurante en referencia da cociña galega contemporánea.
A súa é unha cociña de mercado, baseada en peixes e mariscos. O produto fala nos seus pratos, que beben da cociña mariñeira galega tradicional pero cunha visión moderna na súa elaboración e delicadas influencias contemporáneas. Este 2018 converterase no director da futura Escola de Hostalería de Carballo (A Coruña).