Jorge Gago
Showcookings
Jorge Gago, o novísimo chef de Caldas de Reis, deixou o seu traballo como axente forestal para centrarse na súa paixón: os fogóns. Fórmase nas cociñas da Curtidoría e Manso (Santiago de Compostela) e na agora desaparecida A Estación de Cambre. En 2016 inaugúrase A Maceta en Compostela baixo a dirección de Gago na cociña. Tras oito meses de traballo neste restaurante, faise co galardón Cociñeiro Novo 2017, un premio que recoñece aos cociñeiros emerxentes galegos que apostan polo produto de proximidade e ecolóxicos.
En A Maceta aposta pola cociña de produto, tanto local como estranxeiro, sempre cun denominador común: a calidade extrema. Jorge Gago esfórzase para ofrecer unha experiencia gastronómica diferente, innovando e movéndose con axilidade por correntes diversas, desde os toques asiáticos aos latinos.
No Festival SAL Sabores Atlánticos A Coruña Jorge Gago participará nunha Jam Session atlántica xunto a Marco Varela (Sábrego) e Ana Portals (Solleiros).